Gruaja bashkëjetonte me viktimen prej rreth 5 vitesh
Personi që shihni në foto është Kolë Minaj, i cili ditën e sotme në lagjen “Mark Lula” në Shkodër, plagosur me armë zjarri të dashurën e tij dhe më pas vrau veten.
Ndërkohë, më poshtë është foto e Anila Prendushit, e cila fatmirësisht është ende gjallë, edhe pse në gjendje të rëndë për jetën. 44-vjeçarja raportohet se është nënë e 3 fëmijeve dhe prej 6 vitesh e divorcuar. Ajo bashkëjetonte me viktimen prej rreth 5 vitesh, ndërsa ende nuk dihen detaje mbi konfliktet mes tyre.
Dy të rinjtë u gjetën në një automjet dhe fillimisht u dyshuar se ishin të dy të vdekur.
Sipas policisë dyshohet se pas një konflikti, djali ka qëlluar me armë zjarri të dashurën e tij dhe më pas ka vrarë veten.
Njoftimi i Policisë:
Rreth orës 11:15, në lagjen “Mark Lula”, janë gjetur në një automjet, shtetasi Kolë Manaj, 34 vjeç dhe shtetasja Anila Prendushi, me plagë të shkaktuara nga armë zjarri.
Shtetasi Kolë Manaj ka humbur jetën, ndërsa shtetasja Anila Prendushi është dërguar në spital, në gjendje shumë të rëndë. Shërbimet e Policisë kanë shkuar menjëherë në vendin e ngjarjes dhe po kryejnë veprimet hetimore për rastin. Nga veprimet e para rezulton se automjeti nuk ka dëmtime të jashtme të shkaktuara nga armë zjarri. Në brendësi të automjetit është gjetur një armë zjarri pistoletë.
Grupi hetimor, në drejtimin e Prokurorisë, vijon punon për zbardhjen e rrethanave të ngjarjes.
