Nuk e dimë nëse po ndodh një rastësi incidentesh në showbiz (si ajo e Elhaidës me Ledianin), por edhe Grida Duma nuk e ka më Ervin Salianjin në listën e personave që ndjek në Instagram! Ky i fundit nga ana tjetër, e ndjek ende Gridën.
Nuk kanë kaluar shumë kohë që kur deputeti, i ftuar në “Top Story” bëri një përshëndetje përballë Gridës që bëri xhiron e rrjetit. “Kam një kënaqësi super të veçantë që kam Ervin Salianjin në studio”, tha Grida në shtator të këtij viti, ndërsa Ervini ia priti:
“Mirëmbrëma! Kënaqësia ime, e përjetshme”, me sytë që i shkëlqenin dhe një buzëqeshje në fytyrë.
Gjithashtu, pak ditë më vonë, në një intervistë për emisionin “Dekalog” me Roland Qafokun, Ervin Salianji nuk i shpëtoi dot pyetjeve që lidhen për marrëdhënien e tij të shumëpërfolur me Grida Dumën.
Salianji pranoi se Grida Duma kishte qenë mbështetje për të gjatë periudhës kur ai ishte i burgosur:
“Ka qenë gjithë kohën në mbështetje, në prani. Patjetër që ka ardhur, aty kush s’ka mbetur pa ardhur. Të gjithë deputetët lejohen prej statusit të vijnë.”
Dhe kur intervistuesi guxoi të pyesë për një “kurorëzim” të marrëdhënies që kurrë s’është zyrtarizuar, Salianji zgjodhi të lërë hapësirë për enigmë:
“Nuk do të të jap vëmendje për këtë tani. Do të ketë një moment tjetër që do të flasim gjatë e gjerë për këtë çështje.”
Megjithatë, veprimi i fundit i Grida Dumës, mund të jetë një tregues që gjërat mund të kenë ndryshuar, por duke iu larguar planeve të lartpërmendura të Ervin Salianjit.
Vlen për t’u përmendur se vetëm gjatë emisionit të fundit të “Top Story” Grida Duma është revoltuar kur i është thënë nga nga i ftuari në panel, Robert Rakipllari, se “është në mbështetje të Salianjit”:
“Se më the ‘mbështetjen e Salianjit’, kur unë nuk shtrij dorën për gjërat e pushtetshme, alla-Edvin [Edi Rama], nuk ka njeri mundësi, të mos them atë fjalën tjetër, të më përdorë mua si veglën më të vogël për çështje alla-Ervin [Salianji]. Janë çështje minore në situatën time. Humanen nga politikania, unë e ndaj.”